Медициналық анықтамалар: қайсысы не үшін керек
Абдуллаева Аязгүл — «Аян» шипажайының бас дәрігері, курортология саласында 40 жыл тәжірибе.
Тіркеу бөліміне келіп, «маған анықтама керек» деу жеткіліксіз — нөмірін білсеңіз, уақытыңызды үнемдейсіз.
Жиі сұралатын анықтамалар
027 — науқас туралы көшірме (выписка): емделу барысы, диагноз, тағайындалған ем. Басқа мекемеге, стационарға не оңалтуға барғанда қажет.
028 — мамандарға жолдама-анықтама.
052 — жұмысқа, оқуға, спортқа байланысты медициналық қорытынды.
069 — санитарлық-гигиеналық сипаттағы құжат.
075 — оқуға, жұмысқа түсерде берілетін медициналық анықтама.
ДКК — дәрігерлік-консультациялық комиссияның қорытындысы: ұзақ емдеу, еңбек жағдайын өзгерту, жеңілдік мәселелерінде.
Медициналық кітапша (медкнижка)
Азық-түлік, сауда, білім беру, медицина саласында жұмыс істейтіндерге міндетті. Ол үшін тексеру мен талдаулардан өту керек. Бүгінде кітапшаның электрондық түрі қолданылады.
Қалай алынады
- Тіркеу бөліміне жеке куәлікпен келесіз;
- Қай анықтама, не үшін керегін нақты айтасыз (жұмыс, оқу, спорт, басқа мекеме);
- Қажет болса дәрігер қарайды, талдау не флюорографияға жібереді;
- Қорытынды рәсімделеді.
Жиі қойылатын сұрақтар
Анықтамалар тегін бе?
Бір бөлігі тіркелген тұрғындарға тегін, бір бөлігі (мысалы, жұмысқа немесе жүргізуші куәлігіне) ақылы болуы мүмкін. Нақтысын тіркеу бөлімінен сұраңыз.
Бала үшін ата-анасы ала ала ма?
Иә, бала үшін ата-анасы (заңды өкілі) туу туралы куәлікпен рәсімдейді.
Қанша уақыт алады?
Тексеру қажет болмаса — сол күні. Талдау не комиссия керек болса, бірнеше күн кетуі мүмкін.
«Аян» емханасына тіркелу
Жеке куәлікпен тіркеу бөліміне келсеңіз болғаны. Сұрақ болса — қоңырау шалыңыз.