Скрининг дегеніміз не және жасына қарай нені тексеру керек

Скрининг — ауру белгі бермей тұрып, оны ерте анықтау. Дәл сол себепті ол «ештеңем ауырмайды» деген адамға да қажет.

Неге шағым болмаса да тексерілу керек?

Қант диабеті, қан қысымының көтерілуі, кейбір онкологиялық аурулар ұзақ уақыт белгісіз дамиды. Адам ауырғанда барады, ал ол кезде ем күрделірек әрі қымбатырақ болады. Скрининг осы кезеңді алдын алу үшін жасалады.

Әдетте нені қамтиды?

• қан қысымын өлшеу;
• қандағы қант деңгейі;
• холестерин;
• флюорография;
• әйелдерге — маммография және жатыр мойны скринингі;
• жасына қарай — онкоскрининг түрлері.

Нақты тізім жасыңызға, жынысыңызға және қауіп факторларына (темекі, артық салмақ, тұқым қуалаушылық) байланысты белгіленеді.

Қанша уақыт алады?

Көп жағдайда бір-екі келумен бітеді. Талдау нәтижелері дайын болғанда дәрігер қорытынды айтады.

Жиі қойылатын сұрақтар

Скрининг тегін бе?

Тіркелген тұрғындарға, жасына сай көрсетілген түрлері мемлекеттік кепілдік аясында тегін жүргізіледі.

Қай жаста бастау керек?

Әр скринингтің өз жас аралығы бар. Емхана тізімін жасыңызға қарай нақтылап береді.

Жылына неше рет?

Түріне қарай: кейбірі жыл сайын, кейбірі бірнеше жылда бір рет.