Тюбаж және дуоденальды зондтау: не үшін жасалады

Сарыағаш емінің ең «қазақша» атауы осы екеуі. Көбі несі екенін білмей, қорқып жүреді.

Тюбаж (соқыр зондтау)

Зонд салынбайды — сондықтан «соқыр» деп аталады. Таңертең аш қарынға жылы минералды су ішіп, оң жақ қабырға астына жылу қойып, белгілі бір уақыт жатасыз. Мақсаты — өт жолдарының жұмысын жандандыру, өттің тоқырауын азайту.

Дуоденальды зондтау

Бұл — тексеру әрі ем әдісі. Жіңішке зонд арқылы ұлтабардан өт алынады; минералды сумен жүргізілген түрі өт жолдарын шаюға бағытталған. Ыңғайсыз, бірақ ауыртпайтын ем-шара.

Кімге тағайындалады?

• өт қабы мен өт жолдарының созылмалы аурулары;
• өттің тоқырауы;
• бауыр мен ас қорыту ағзаларына байланысты шағымдар.

Қалай дайындаласыз?

Алдыңғы күні кешке ауыр, майлы тамақ ішпеу; ем-шара аш қарынға жүргізіледі. Нақты нұсқауды дәрігер береді.

Жиі қойылатын сұрақтар

Ауыра ма?

Тюбаж ауыртпайды. Зондтау кезінде ыңғайсыздық болуы мүмкін, бірақ ол қысқа уақыттық.

УДЗ міндетті ме?

Өт жолдарына бағытталған ем-шараларға дейін УДЗ-ны міндетті деп санаңыз — тас бар-жоғын білмей ем бастауға болмайды.

Неше рет жасалады?

Курс ішінде бірнеше рет, дәрігер белгілеген аралықпен.